نظام تخطيط احتياجات المواد — MRP (Material Requirements Planning)
MRP يعني تخطيط احتياجات المواد. MRP Gate بيحسب احتياجات مصنعك من الخامات من خطة الإنتاج وقوائم المواد والمخزون والأوامر المفتوحة، ويطلّع لك طلبات التوريد جاهزة لكل مورد. بيقرا بياناتك من Excel أو من أي قاعدة بيانات، وبالعربي والإنجليزي.
أغلب المصانع بتحسب احتياجاتها في شيتات بتتبني من الأول كل مرة. النتيجة معروفة:
الخامة داخلة في أكتر من منتج وعلى أكتر من مستوى، وجمعها يدوي سهل يتغلط فيه.
الطلب بيتعمل على قد الخطة كلها، من غير طرح المخزون نصف المصنّع والأوامر اللي في الطريق.
أمر الشراء اللي اتعمل الأسبوع اللي فات مش داخل في حساب الأسبوع ده.
محدش يقدر يرجع الرقم لمصدره غير اللي عمل الشيت.
من البيانات اللي عندك فعلاً لحد طلب توريد جاهز للمورد.
من ملفات Excel، أو مباشرة من قاعدة بيانات نظامك، أو من SAP Business One: أصناف، قوائم مواد، أرصدة، وأوامر مفتوحة.
تدخل المنتجات المطلوبة وتواريخها (يدوي أو Excel) وتضغط «احسب»، وتطلع لك النتيجة بكل خامة ناقصة.
لكل مورد أصنافه الناقصة بكوده هو وسعره، تتصدّر Excel، وتتطرح تلقائياً من الحساب الجاي.
كل اللقطات من النظام نفسه، على بيانات مصنع أثاث معدني تجريبي.
قف على أي رقم في النتائج وهتعرف جه منين:
كل دفعة من خطة الإنتاج وكل طلب توريد ليه مفتاح تشغيل وإيقاف. وقّف، احسب، وقارن، من غير ما تحذف حاجة.
ارجع لنتائج أي تشغيل سابق بتاريخه.
أدوار، ولكل دور عرض وإضافة وتعديل وحذف وتقارير على كل شاشة.
تصدير Excel وطباعة من شاشات النتائج والأصناف وقوائم المواد وطلبات التوريد.
بيتنصّب داخل شبكة المصنع على Windows و SQL Server، وبيتفتح من المتصفح. بياناتك ما بتخرجش.
اختياري وبترخيص منفصل: حضور وانصراف، إجازات، ورواتب.
خطة لتصنيع 650 كرسي مكتب. الماسورة 25 مم داخلة في هيكل الكرسي (3 متر) وفي قاعدته (2 متر)، على مستويين مختلفين من قائمة المواد.
النظام طرح مخزون الكراسي والهياكل والقواعد الجاهزة الأول، وبعدها حسب الماسورة على الناقص بس.
| مطلوبة لهيكل الكرسي (580 × 3) | 1,740 |
| مطلوبة لقاعدة الكرسي (525 × 2) | 1,050 |
| إجمالي الطلب | 2,790 |
| − المخزون | 420 |
| − أمر شراء مفتوح | 500 |
| المطلوب شراؤه (متر) | 1,870 |
الفرق الوحيد هو مصدر البيانات. والنظام واحد في الثلاثة.
لأي مصنع، بأي نظام محاسبي أو مخزني.
لمصنع عنده نظام بقاعدة بيانات وعايز من غير ملفات.
لمصانع بتشتغل على SAP B1.
MRP اختصار Material Requirements Planning، يعني تخطيط احتياجات المواد: حساب الخامات والمكوّنات المطلوب شراؤها أو تصنيعها، وكمياتها ومواعيدها، عشان خطة الإنتاج تتنفذ من غير نقص ولا مخزون زايد.
لا. النظام بياخد بياناته من ملفات Excel بتطلعها من نظامك، أو يقرا مباشرة من قاعدة بياناته، أو من SAP Business One. وفي كل الحالات قراءة فقط.
SQL Server مباشرة، وأي قاعدة بيانات ليها ODBC driver زي Oracle و MySQL و PostgreSQL. الربط بيتم باستعلام قراءة لكل نوع بيانات، بنجهزه معاك وقت التنصيب.
أيوه. واجهة نظام MRP بالعربي والإنجليزي، وكل مستخدم يبدّل اللغة بزر من أعلى الشاشة.
خمس حاجات: الأصناف، قوائم المواد، أرصدة المخازن، أوامر الإنتاج المفتوحة، وأوامر الشراء المفتوحة. وبعدها أسعار الموردين وخطة الإنتاج.
على سيرفر جوه مصنعك، في قاعدة بيانات SQL Server بتاعتك.
النظام معمول لكده: بيفك القوائم مستوى بعد مستوى، وبيتعامل مع الصنف المشترك بين أكتر من منتج.
بيطلّع طلبات التوريد كملفات Excel لكل مورد. إدخالها في نظام المشتريات بيتم عندك.
السعر بيتحدد بعد محادثة أو اتصال قصير نعرف فيه احتياج مصنعك. كلّمنا واتساب أو اتصل على 01001466015.
أيوه. العرض التجريبي بيتعمل قدامك من أول رفع الملفات لحد طلب التوريد، وممكن يتعمل على عينة من بياناتك.
عرض حي في حوالي ربع ساعة: من ملفات Excel لحد طلب توريد جاهز للمورد.